23/10/2024
Нa натпреварoт во Лигата на шампиони во Leipzig беа присутни наши членови од Пробиштип .
Во прилог кратка фото и видео репортажа од Даниел Филиповски и збор два околу Liverpool FC ...
"Страстен сум за фудбалот уште од мал и особено сум посветен на следењето на англиската Премиер лига, со посебно внимание кон мојот омилен тим, Liverpool FC."
OLSC Macedonia: Зошто Liverpool FC и како започна да навиваш за клубот ?
Даниел: Вљубувањето во Liverpool започна кога за првпат ги следев нивните натпревари и се заљубив во начинот на кој играат, во историјата,и емоциите што ги носат на теренот.Пресвртница беше полуфиналниот натпревар со Челзи во лигата на шампиони во 2005 година, и така наречениот "ghost goal" на Луис Гарсија.Традицијата и уникатната атмосфера која го следи овој клуб, како и химната „You’ll Never Walk Alone“, беа моменти кои ме инспирираа засекогаш да бидам дел од оваа приказна.
OLSC Macedonia: Омилен играч , омилена генерација и омилен тренер ?
Даниел: Моето срце го има освоено Стивен Џерард , кој не само што има неверојатни способности, туку и вистинска страст за клубот. Омилена генерација ми е генерацијата на Клоп, кога клубот постигнуваше значајни успеси, а од тренерите, несомнено, Јурген Клоп ми е најдраг, поради неговиот стил и енергија.
OLSC Macedonia: Натпреварот кој го следеше , Leipzig - Liverpool...
Даниел: Бев присутен на натпреварот Лајпциг-Ливерпул кој се играше во Лајпциг.Бев со мојата девојка, а билетот го набавив преку интернет. Атмосферата на стадионот беше неверојатна; тоа беше ден полн со емоции и моменти кои ќе ги паметам засекогаш. Играта на клубот беше прилично добра , со неколку одлични шанси на двете страни но сепак со позитивен резултат за нашата екипа со голот на Дарвин.
OLSC Macedonia: Arne Slot и една нова етапа во историјата на Liverpool. Кои се твоите очекувања и твоето мислење за новата сезона ?
Даниел: Очекувања за сезоната 2024/2025 Со новиот тренер и истиот тим од Клоповата ера, очекувам Liverpool да продолжи со борбеноста и посветеноста што го карактеризира. Тимот сè уште има голем потенцијал за напредок и се надевам на враќање на врвот, со можности за нови успеси и титули оваа сезона.
YNWA!
